Өөрийгөө ялах Дархан Марафон тэмцээн 15 дахь удаагаа 2022 оны 4 сарын 16нд Дархан хотноо болж өнгөрлөө. Уг тэмцээнийг Дархан-Уул аймгийн ЗДТГ, БТСХ болон Эрүүл мэндийн газар хамтран  амжилттай зохион байгуулсан юм. Энэ удаагийн тэмцээн нь Ковид 19 цар тахлын улмаас 2 жил дараалан зохиогдож чадаагүй байсан юм. Тэмцээнд 180 гаруй гүйгч оролцсон бөгөөд Улаанбаатар, Дархан, Орхон, Хэнтий аймгийн спорт сонирхогч иргэд Хилийн 0151, Хилийн 0132-р ангиуд, Шри Чинмойн Марафоны баг, Let's run гүйлтийн клуб, MGL athletic club, ХААИС, ЕБС-ийн 4-р сургууль зэрэг байгууллагууд идэвхтэй оролцлоо. Энэ удаагийн тэмцээнд 17 хүртэлх насны ангилалд хүүхдүүд сургууль хамт олноороо зохион байгуулалттай  оролцсон нь шинэлэг, хөдөлгөөн, гүйлтийг залуу үе сонирхож байгаагийн илрэл байлаа. Тэмцээнд оролцсон тамирчдын зэрэг цол ОУХМ-1, Спортын мастер-3, Дэд мастер-1, I-р зэрэг 3, II-р зэрэг 1. Хамгийн бага насны оролцонч 7 настай гүйгч Х. Энхзориг, 81 настай гүйгч М. Чулуунбат/Спортын мастер/ байсан нь тэмцээнийг улам сонирхолтой болголоо.