Шри Чинмойн нэрэмжит 6, 12, 24 цагийн гүйлтийн Улсын аварга шалгаруулах тэмцээн энэ сарын 6-7-д Үндэсний цэцэрлэгт хүрээлэнд болжээ. 16 дахь жилдээ болсон тэмцээн 6, 12, 24 цаг болон 20-34, 35-49, 50-аас дээш гэсэн насны ангиллаар болсон байна.

10 аймгийн 114 тамирчин оролцсон тэмцээний эрэгтэй 20-34 насны 24 цагийн гүйлтийн ангилалд спортын дэд мастер Б.Төрболд 214.89 км зам тулж Монгол улсын дээд амжилтыг шинэчлэн тогтоожээ. Өмнөх дээд амжилт нь 2019 онд 182.08 км байв.

Мөн эрэгтэй 50-аас дээш насны ангилалд ОУХМ Д.Ганбат 206.69 км, 6 цагийн гүйлтийн эмэгтэй 20-34 насны ангилалд спортын мастер Б.Номин-Эрдэнэ 71.84 км, 6 цагийн гүйлтийн эрэгтэй 20-34 насны ангилалд СДМ Н.Лувсаншарав 81.8 км-ээр тус тус улсын дээд амжилтыг шинэчилсэн байна.